Lea Salonga, gikatakdang mosalmot sa ASEAN Inclusive Growth Summit 2026

Gikatakdang mosalmot ang Tony Award-winning nga aktres ug mag-aawit nga si Lea Salonga sa 2026 ASEAN Inclusive Growth Summit nga ipahigayon sa Manila karong Nobiyembre 11, 2026.

Sa usa ka espesyal nga sesyon nga giulohan og “In Unison: Amplifying Every Voice in ASEAN,” makigbahin siya sa usa ka panaghisgot uban sa anchor nga si Rico Hizon, nga maghiusa sa pakigpulong ug musika.

Pinaagi sa maong sesyon, ipaambit ni Salonga ang iyang kasinatian sa pagdala sa talento sa mga Pilipino ngadto sa internasyonal nga entablado ug hisgutan kon unsaon paghimo sa pagkamugnaon ug kultura sa Habagatang-sidlakang Asya nga dili lamang tinubdan sa garbo kondili malungtarong panginabuhian usab sa daghang artista sa rehiyon.

Ang iyang pagsalmot sa summit kay misunod sa usa pa ka dakong kalampusan sa iyang karera human siya nahimong unang Filipina nga gipasidunggan og bituon sa Hollywood Walk of Fame niadtong Septyembre 4, 2026. (raniel mahunyag)