Gipadayag ni Prosecution Panel Spokesperson Robert Ace Barbers nga adunay dakong kausaban ug irregularity sa pag-gamit sa pondo kung dili ang opisyal nga Special Disbursing Officer (SDO) ang nagdumala ug nag-disburse niini.
Gitakda sa balaod ug sa Joint Circular nga ang pinili ug gitudlo nga SDO lamang, sama ni Gina Acosta nga gi-autorisa sa Bise Presidente, ang may katungod sa paghawid sa maong pondo sa gobyerno.
Gipasabot usab niini nga ang pagtugyan sa maong kwarta ngadto sa ubang tawo, sama kang Colonel Lachica o bisan kinsa nga dili SDO, usa ka direktang paglapas sa gitakdang mga lagda.
Gipasabot ni Barbers nga kinahanglang sundon ang maong sistema tungod kay ang SDO ug ang head of agency lamang ang may opisyal nga responsabilidad ug manubag kung adunay mahitabong sayop o pag-abuso sa pondo.
Gisaway usab niini ang bisan unsang lakang nga naghatag ug probisyon sa dili awtorisadong personahe nga mag-distribute sa pundo sa gobyerno.
Sa katapusan, iyang gipahimangnoan ang tanan nga ang dili pagtuman sa maong probisyon nagdala og illegal nga implikasyon nga kinahanglang tubagon sa mga tag-as nga opisyal.
