Gi-kwestiyon ni Senador Bam Aquino ang proseso sa lifeline subsidy program sa kuryente tungod sa pasangil nga daghang konsumer ang napugos sa pagbayad sa dugang singil bisan dili sila benepisyaryo.
Tungod niini, gipasaka ni Aquino ang Senate Resolution No. 375 aron imbestigahan sa Committee on Energy ang pondo ug proseso sa subsidiya nga nakabase sa Republic Act No. 9136 o EPIRA.
Matod ni Aquino, daghang pamilyang kabus ug middle class nga wala sakop sa 4Ps ang nanginahanglan sa tabang, apan sila pa ang napugos sa pagbayad sa cross-subsidy nga nagdugang sa P20 – P100 sa ilang bayronon matag bulan.
Gisugyot sa senador nga ang subsidiya sa kuryente ug uban pang diskwento sama sa senior citizen discount dapat kuhaon sa national budget ug dili ipasa sa ubang konsumer. (phillip ariata)
