Lisud tuhuan ang ICI – Atty Maestre

Lisud tuhuan ang namugna nga Independent Commission on Infrastructure (ICI). 

Opinyon kini ni  Si Atty Rhobert Maestre sa Sorilla Saclot Maestr & Jacobo Law Office, human silang tanan dili gihapon matawag nga "independent" kay ubos gihapon sila sa gahum ni Presidente Ferdinand Marcos Jr. 

Nagtoo si Maestre nga pwede ma-impluwesiyahan ni Marcos ang imbestigasyon ug ang resulta kay sa iya man kini ipasa. 

Una niini, nabalaka ang katawhan nga mabutang lang sa walay hinungdan ang imbestigasyon sa ICI kay maskin ang ig-agaw ni Marcos nga si kanhi Speaker Martin Romualdez ang dunay taas nga tsansa nga maka-ikyas sa iyang tulubagon, samtang nagpadayong nagtagu-tagu si resigned Ako Bicol Partylist Rep Zaldy Co, sa gawas sa nasud. 

Si Co ug si Romualdez maoy ulahing gi-akusahan nga mibulsa sa milyones nga salapi gamit ang kickback sa proyekto sa DPWH nga gipaagi sa "budget insertions".