CAGAYAN DE ORO CITY, Philippines – Nahimo nang bagyo ang usa sa duha ka Low Pressure Area sulod sa Philippine Area of Responsibility.
Kagabie, mikusog pa ang dalang hangin sa LPA, ug karon naporma na isip full tropical depression.
Segun sa Philippine Atmospheric, Geophysical and Astronomical Services (PAGASA) ang tropical depression nga makita sa kasadpang Batangas ginganlan sa “Bagyong Butchoy” samtang ang weather disturbance sa Sidlakang bahin sa Eastern Visayas ginganlan sa “Carina”, kung mahimo na kining bagyo.
Gilauman nga mu-ulan sa hapon ug gabii, ning adlawa, sa pipila ka bahin sa Amihanang Luzon dala sa Habagat, lakip na sa Kasadpang Luzon.
Ang Kasadpan ug Habagatang Mindanao makasinati sa pag-ulan sa buntag samtang ang probinsya sa Bukidnon ug Caraga Region makasinati ug pagpanugdog-kilat sa hapon.
