CAGAYAN DE ORO CITY – Gipasar sa konseho pinaagi sa ilang gihimo nga special session ang lima ka resolusyon nag nag-sentro sa gihimong paghunong-suplay tubig sa COBI sa service area sa COWD sa distrito uno ning syudad.
Kini subay usab sa hangyo ni Uy kang City Vice Mayor Jocelyn ‘Bebot’ Rodriguez nga hinagbuon niini ang mga konsehal alang sa maong katuyuan.
Namahayag si City Council majority leader Kag. Edgar Cabanlas nga lima ka pasado nga resolusyon ang namugna nila kagabii.
Kini gilakipan sa pagtugot sa COWD makahimo’g emergency water purchase order sa laing water suppliers;paghangyo usab sa kompanyang Rio Verde ug ubang water suppliers nga tabangan una ang COWD tungod sa pagbiya sa COBI;pag-adaptar usab sa state of emergency executive order ni Mayor Klarex.
Gawas niini,pagdeklara nga PERSONA NON GRATA sa MetroPac,COBI ug manager niini nga si Andrew Pangilinan ug paghangyo usab sa Commission on Audit nga imbestigaran ang COWD-COBI contract.
Sa pagkutlo usab ning balita,wala pa’y tubag niini ang kadagkuan sa maong mga kompanya.
