CAGAYAN DE ORO CITY – Nahugyaw ang libuang mga sakop sa community-based citizenry empowerment program-community coordinators year end evaluation ug Christmas party sa city hall quadrangle ning syudad kaganihang buntag.
Kini human tambungi ni kanhi Ilocos Sur Gov. Luis ‘Chavit’ Singson ang pakigsandurot nila ni City Mayor Rolando ‘Klarex’ Uy, District 2 Cong. Rufus Rodriguez, kanhi ABAMIN partylist Rep. Maxie Rodriguez ug line-up sa ONE KAGAYAN KAUBAN ANG KATAWHAN Team sa community coordinators.
Nakigpulong si Manong Chavit sa atubangan sa mga opisyal ug katawhan diin siya mipasabot sa iyang mga angay buhaton sa higayon nga mahatagan sa higayon mapili nga senador sa 2025 elections.
Nahugyaw ang katawhan kay giagi’g komedya nga mangayo’g pinaskuhan kang Chavit diin siya mihatag sa 500-mil pesos nga cash ngadto sa mga partisipante sa kalihukan.
Apan kay pasko man, gihimo niya nga usa ka milyon pesos ang gihatag sa libuang community coordinators sa kalihukan.
Hisayrang paghuman paniudto ni Singson kuyog sila Klarex,Rufus ug ubang executive officials, namasko usab ang line up sa ONE KAGAYAN KAUBAN ANG KATAWHAN Team diin sila gihatagan sa 50-mil pesos cash ayha kini mibiya sa syudad padulong sa El Salvador City.
