CAGAYAN DE ORO CITY – Modangop kang Pres Bongbong Marcos ang 14-mil ka pamilya nga direktang apektado sa Marawi Siege sa syudad sa Marawi City,Lanao del Sur.
Kini human dismayado ang maong internally displaced persons’ sa gihatag nga ayuda sa Marawi Compensation Board o MCB alang sa pagka-damyos sa mga balay niini epekto sa pila ka bulan nga gubat tali govt forces ug Maute-ISIS terror group niadtong Mayo 2017.
Miingon si Marawi Consensus Group founder Drieza Lininding nga angayang masayran kini ni Pres Marcos nga giingong napihig sa laing higayon ang Marawi IDPs sa pagdumala sa MCB.
Gani, mohimo sila’g rally ug signature campaign sa Rizal Park,Marawi City ning adlawa aron makaabot sa atensyon ni Marcos ang ilang kahimtang.
Sa pagkutlo usab ning balita, wala pa’y opisyal nga tubag-pahayag nga gilugwa ang naglangkob sa MCB kabahin sa isyu sa maong grupo.
