Mipalag si Senador Rodante Marcoleta sa proseso sa pagtubag sa Department of Migrant Workers (DMW) sa repatriation o pagpapauli sa mga Overseas Filipino Workers (OFWs) nga gusto nang mobalik sa Pilipinas gikan sa Middle East tungod sa nagpadayon nga tensyon sa rehiyon.
Gibutayg ni Leo Hans Cacdac, kalihim sa DMW, nga gikan sa 1,416 ka OFWs nga nangayo’g tabang aron makapauli sa nasud, anaa pa sa 60 ang nakabalik sa Pilipinas sa pagkakaron.
Tungod niini, gipamugos ni Marcoleta nga kinahanglan pa lig-onon sa DMW ang ilang mga lakang aron mapaspasan ang repatriation sa mga Pilipinong gusto nang mopauli gikan sa Middle East.
Namugos ang senador nga wala pa maabot ang worst-case scenario, diin posible nga mas mudaghan pa ang mga OFW nga gustong mopauli kung mosamot pa ang tensyon sa rehiyon, busa importante nga mas andam ang gobyerno sa ingon nga sitwasyon.
Hinoon, mipasabot si Cacdac nga naglisod ang ahensya sa pagpatuman sa repatriation operations tungod kay sirado o limitado ang airspace sa pipila ka apektadong nasud sa Middle East.
Busa kinahanglan nila mangita sa alternatibong ruta ug mas luwas nga paagi aron mapabalik ang mga OFW sa Pilipinas.
Gisiguro usab sa kalihim nga ginahimo sa DMW ang tanang lakang aron masiguro ang luwas nga pagbalik sa mga Pilipino sa nasud bisan pa sa mga hagit sa kasamtangang sitwasyon sa rehiyon.
