Mas pili-on sa Malakanyang nga dili mohimo’g lakang si Pres Bongbong Marcos aron mag-special session ang mga senador sa impeachment case batok Vice Pres Sara Duterte.
Kini taliwala nga adunay mga pundok nga gusto ipagamit kang Marcos ang gahom niini aron mapugos mag-special session ang senado sa maong katuyuan.
Miingon si Palace Press Officer Atty. Claire Castro nga grabe ka ngil-ad kon mismo si Marcos ang mohimo niini kay dayag nga masaypan kini nga utok sa pagpalagpot kang VP Sara.
Una ang namugos si Marcos nga dakong supak nga buhaton kini sa mga magbabalaod batok kang Inday Sara.
Hisayrang adunay mga abogado nga nagsulti nga wala sa gahom sa pangulo mosugo sa special session sa senado kay dili prioridad nga balaodnon ang katuyuan apan impeachment nga sugo sa politikanhong kalihukan.
