Hingusgan ni Presidente Ferdinand Marcos Jr ang lig-ong kooperasyon sa gobyerno sa PILIPINAS ug sa JAPAN, alang sa iyang state visit nga ipahigayon sa Mayo 26 kutob 29.
Ang tolo ka adlaw nga working visit muhisgut sa seguridad sa ekonomiya ilabe na nga apektado kini sa tensyon sa Middle East nga nagresulta sa krisis sa lana ug energy crisis sa daghang mga nasud sa Asya, lakip na ang tensyon sa West Philippine Sea (WPS).
Masaligon ang presidente nga makatabang ang Tokyo Government sa paghatag solusyon aron masiguro nga igo o bastante ang supply sa enerhiya ug lana sa Pilipinas.
Kini nga mga paghisgot maoy unod sa iyang programang POWERR Asia sa Japan nga nagtumong nga suportahan ang mga nasud sa Asya nga nag-atubang sa krisis sa krudo, supply chain, ug renewable energy. Maoy musugat kang Marcos si Japanese Prime Minister Sanae Takaichi
