Gi-mando ni Presidente Ferdinand Marcos Jr ang Department of Agriculture (DA) nga masiguro ang igo nga suplay sa bugas ug ipaubos ang presyo niini taliwala sa global krisis.
Matod ni Palace Press Officer Undersecretary Atty. Claire Castro, gihatagan na sa direktiba si DA Secretary Francisco Tiu Laurel Jr nga buhaton ang tanang lakang aron mapanalipdan ang mga konsumidor ug mapugngan ang pagsaka sa presyo.
Ang maong mando gihatag atol sa ika-6 nga miting sa UPLIFT Committee ngadto sa Malakanyang diin gihisgutan ang mga paagi aron masiguro ang suplay sa mga batakang palaliton ug serbisyo.
Dugang pa, gipa-imbestigahan na usab sa Presidente ang mga hoarder o profiteer nga nagpasalig sa sitwasyon ug gipahimangnoan nga kasuhan ang masapnan nga nag-manipula sa presyo. (Phillip Ariata)
