Nakigpulong si Presidente Ferdinand Marcos Jr sa Private Sector Advisory Council (PSAC) sa Malakanyang, kagahapon.
Kini ang gibutyag ni Marcos, dihang gihinabi siya ni Palace Press Officer Atty Claire Castro kalabot sa ihatag nga tabang sa gobyerno ug ayuda sa mga muuli nga mga Overseas Filipino Workers (OFWs) gikan sa Middle East.
Namahayag ang presidente nga pinaagi sa tabang sa pribadong sektor, mangita silag pamaagi aron mahatagan sa laing trabaho.
Gawas niini ipaubos usab sa re-training ang tanan namalik nga OFWs, ug kung gikinahanglan, andam ang gobyerno nga muhatag kanilag suporta alang sa ilang panginabuhian kung mapakyas na sila’g pangita sa laing trabaho.-
