CAGAYAN DE ORO CITY – Gisugdan na paglibot suroy sa mga ginsakupan sa monitoring team sa Dept of Agriculture o DA 10 kuyog ang taga- Dept of Trade and Industry 10 ingon man nagkadaiyang local price monitoring councils ang mga merkado-publiko palibot sa rehiyon.
Kini subay sa mando ni Pres Bongbong Marcos nga masuta kon may rice retailers na ba nga nagsugod pagtuman sa 41 pesos kada-kilo sa regular nga paggaling ug kadtong well-milled nga bugas nga gi-presyuhan sa 45 pesos.
Miingon si DTI 10 spokespeson Julie Costales nga anaa pa lamang sila sa monitoring sanglit mismo pa ning adlawa mi-epekto ang price ceiling order ni Marcos aron dunay mapalit nga medyo barato nga bugas ang katawhan sa nasud.
Pinakamahal nga kilos bugas ang mobalor na sa sobra 60 pesos tungod sa artificial rice shortage.
Samtang gi-depensa sa Cagayan de Oro City Price Monitoring Council kon nganong walay nakit-an nga display sa mga bugas nga haom sa gimando ni Pres Bongbong Marcos.
Maoy gipasabot ni City Local Price Monitoring Council vice chairman Atty.Jose Edgardo Uy kadtong regular ug well milled rice nga dunay presyo nga 41 ug 45 pesos kada-kilo.
Gipasabot ni Uy nga mga sakop una sa DA ang mihimo sa paglibot suroy sa mga merkado publiko alang sa pagsanong sa price ceiling order sa presidente.
Kini lakang sa DA ang subay usab sa nauyunan sa ilang panagtigom dinhi sa syudad kagahapong adlawa.Samtang magtagbo pag-utro ang price monitoring team sa sa syudad sa adlaw’ng Huwebes sa buntag.
Miingon si committee on trade and commerce committee chairman Kag. George Goking nga tuyo niini nga matuki ang mga resulta sa gihimong market inspections nga gihimo sa taga-DA 10 haom sa price ceiling order ni Pres Bongbong Marcos.
Miingon si Goking nga dili lang mabalaka ang gagmay’ng rice retailers kay wala kalamti ni Marcos ang ilang kahimtang nga maligsan sa mismo niya nga kamanduan kabahin sa bugas.
