GIPAMUGOS ni Presidente Ferdinand Marcos Jr nga iyang pauli-on si kanhi Ako Bicol Partylist Representative Zaldy Co, diin kasamtangan kining anaa sa kustodiya sa Czech Republic.
Gisugo usab ni Marcos Jr ang Department of Justice (DOJ) ug Department of Foreign Affairs (DFA) nga mangulo sa proseso aron mapabalik sa Pilipinas ang kanhi magbabalaod.
Sigurado ang Presidente nga manubag si Co sa mga kaso nga gi-atubang, kondiin magpadala ang Pilipinas sa “high-level coordination team” aron masiguro ang kalampusan sa proseso.
Hisayran nga apil si Co sa 16 pa ka indibidwal nga gi-akusahan sa graft ug malversation nga may kalabotan sa P289-milyon nga flood control project sa Naujan, Oriental Mindoro.
