Nagpahungaw sa gibati ang drag artist ug TV personality nga si Marina Summers atol sa pagbatikos ug hate messages nga iyang nadawat human siya mag host sa Miss Universe Philippines 2026.
Sa usa ka pahayag, miingon si Marina nga dakong milestone sa iyang career ang pag host sa pageant, ug aminadong kabalo siya nga aduna gayud mga nagkadaiyang reaksyon nga iyang madawat.
Lakip niini ang pahayag sa drag artist ug transwoman nga si Angel Galang kung asa nahimong kritikal sa performance ni Marina, rason para makadawat usab kini og pagbatikos gikan sa mga netizens.
Dugang pa, giklaro usab sa Drag Artist nga natul-id na ang bangi nila Angel ug gihangyo niya nga undangan na ang bisan unsang mga pag-atake tungod kay wala kani nagpakita og pakigbisog ngadto sa tibook LGBTQ+ community. (riza budlao)
