Gipasidaan sa ekonomista ug kanhi Misamis Oriental Vice Governor nga si Joey Pelaez ang kadaghanan nga mag-andam sa mas grabeng kaalaot sa ekonomiya ug pagtaas sa presyo sa mga palaliton sa umaabot nga tuig.
Gitin-aw sa ekonomista nga dako ang gipaabot nga epekto sa super El Niño sa suplay sa pagkaon, nga gipasamot pa sa giingong dili maayong pagdumala sa panggamhanan.
Gisaway usab ni Pelaez ang paggahin og pondo sa Kongreso alang sa mga politikanhong proyekto ug ayuda imbes nga unahon ang pagpanalipod sa ekonomiya sa nasud.
Busa, gipahinumdoman sa opisyal ang gobyerno nga seryosohon ang pagpangandam aron dili mag-antos ang katawhang Pilipino.
