CAGAYAN DE ORO CITY – Nahuyhoy ang mga abaga sa pipila ka job orders ug casual employees sa city hall kabahin sa nakab-ot nga hukom sa local chief executive official ning syudad.
Kini human prangka nga gianunsyo ni City Mayor Rolando ‘Klarex’ Uy nga dunay ihap sa mga empleyado nga dili na mahataga’g higayon sa job renewals kay walay pagpangga sa ilang mga trabaho.
Miingon ang mayor nga sobra tuig na nga gihatag nga higayon sa maong mga empleyado aron ipakita ang katakos sa trabaho apan daw wala sa ilang interes aron makabawi kakulangon.
Namahayag si Uy nga dili na kini angay mabasol kay mismo na ang dili maayong kinaiya ug gawi sa nahisgutang mga empleyado ang nagtukmod kaniya aron ihatag sa laing mga aplikante ang ilang mabiyahaan nga mga trabaho.
Dismayado usab ang mayor nga nasayran nga pipila sa mga empleyado sa city hall ang giingong naglukwasa lang ug nagsuroy-suroy sa malls bisan kon oras sa ting-trabaho.
Namugos si Uy nga dili diktar sa politika kon nganong dunay casual employees ug JOs nga wad-an sa panginabuhian.
Ayha ilisdan sa bag-ong mga trabahante ang non-renewal city hall employees ang ipatawag pa kini personal sa mayor aron pasabton sa nakab-ot nga hukom sa pangagamhanang lokal.
Hisayrang sa miaging tuig,init ang isyu sa langan nga paghatag sa suweldo sa mga empleyado diin maoy nabasol ang mismong buhatan sa mayor.
