CAGAYAN DE ORO CITY – Dismayado si Atty Robert Rodrigo sa gipasar nga resolusyon sa city council special session nga mag-deklara kanila nga PERSONA NON GRATA sa pagpaningil sa bayrunon sa Cagayan de Oro Water District o COWD.
Kini human nag-resulta sa hiniusang hukom sa MetroPac-COBI ug Rio Verde nga putlan una’g suplay sa tubig ang city water district kay pabiling tig-a sa pagbayad sa ilang obligasyon.
Miingon si Rodrigo nga dili kini angay buhaton sa city govt kay igo lang sila naningil sa unsay angay kanila nga gihikaw sa COWD.
Dumduman nga dismayado ang konseho sa gihimo sa COBI rason nga miduso’g resolusyon si City Council Majority Leader Kag. Edgar Cabanlaas nga dili na sila welcome mag-negosyo’g tubig dinhi sa syudad.
Namahayag si Cabanlas nga wala sila makaangay sa giingong sinalbahis nga taras sa COBI nga pagpalugwa’g water cutoff order alang sa katawhan sa dakbayan.
Nunot niini,gilauman nga ilugwa ning semanaha ang persona non grata resolution sa kondisyon nga may tubag na ang panig sa MetroPac-COBI.
