Nabalaka ang Metro Pacific Water sa padayong pag-isnab sa ilang hangyo sa Cagayan de Oro Water District (COWD). Namahayag si Atty Roberto Rodrigo, Senior Legal Counsel sa MetroPac Water nga dili na mahimong idelatar pa sa COWD ang ilang hangyo sa pagrehab sa ilang mga transmission facilities ug existing nga mga reservoir sa Brgy Camaman-an, kay ang kunsumante ra gihapon nila ang magproblema sa presyur sa tubig ma-inom. Una niini, target sa proyekto ang paghatag sa 40 million liters per day (MLD) nga tubig alang sa eastern section sa Cagayan de Oro ug 60 MLD para sa western sector. Hisayran ang ang COWD ug pipila ka konsehal sa siyudad nagduhaduha kung nasunod ba sa MetroPac/COBI ang mga obligasyon sa bulk water supply agreement, ug mao kini ang hinungdan nga gi-isnab ang hangyo sa rehab.
