CAGAYAN DE ORO CITY – Inuyunan sa kompanyang Metro Pacific Water pinaagi sa Cagayan de Oro Bulk Water Incorporated o COBI ug Rio Verde Corporation ang gilugwa nga water cutoff order ngadto sa Cagayan de Oro Water District ning syudad.
Kini ang giklaro ni MetroPac Water senior legal counsel Atty. Roberto Rodrigo nunot sa gilugwa nga sulat nga nagbaton lang sa usa ka pirma nga nagtuki sa pagputol sa tubig kay wala makabayad ang COWD.
Miingon si Rodrigo nga dunay pagtugot gikan sa mngt sa Rio Verde nga temporaryong ihunong ang paghatag suplay sa tubig sa COWD kay dili seryoso sa pagsulbad sa payabla dispute nga sobra 479 milyones pesos na.
Siya miingon nga dili kumpleto ang sulat nga nahuptan sa mainstream media sukwahi sa ilang kopya.
Pagsaysay ni Roberto nga naporma ug pirmado ang opisyal nga dokumento sa water cutoff order dihang pakyas sila pagkumbensir sa COWD pagpabayad sa standing payables taliwala nga mismo na ang Local Water Utilities Administration ang naghusay kanila sa mismo dinhi sa syudad miaging Abril 30 ning tuiga.
Dumduman nga apil sa lima ka resolusyon nga gipasar sa special session nga ipa-deklara nga persona non grata ang MetroPac-COBI sa ilang gihimo apan giaghat usab si Rio Verde nga suplayan sa tubig ang COWD pinaagi sa emergency purchase order.
