Dili heat index ang hinungdan sa pagpanakit sa tiyan sa mga atleta gikan sa Region 8, kondili tungod sa ilang gikaon nga nadaot atol sa dula.
Subay sa pamahayag ni Palarong Pambansa Secretary General Usec. Malcolm Garma, giila sa ilang mga doktor ang maong insidente isip mild form of acute gastroenteritis nga miresulta sa diarrhea.
Nasuta sa ilang imbestigasyon nga ang pagkaon nga gidala sa mga atleta gikan sa ilang billeting quarters sa Santa Irene ang hinungdan sa problema, human kini wala gilayon nakonsumo samtang init ang panahon.
Bisan pa niana, gilayon nga gihatagan og oral rehydration ang mga biktima ug gitambagan nga mopahulay, uban ang pag-abag sa medical ug sanitation team sa DepEd ug sa kagamhanang probinsyal.
Gumikan sa paspas nga pagkaayo, nakapadayon na sa ilang tagsa-tagsa ka dula ang mga atleta human kini hingpit nga na-recover .
