Subling gipamatud an sa mga batan on nga husto ang panultihon ni Dr. Jose Rizal nga sila ang paglaum sa nasud pinaagi sa ilang aktibong pagprotesta ug pagtingog batok sa mga suliran sa katilingban.

Nakita ni Alliance of Concerned Teachers Northern Mindanao coordinator Roland Cruz nga nahigmata na ang mga estudyante sa nagkadaiyang unibersidad sa Mindanao human sa sunod sunod nga isyu sa korapsyon, flood control, pagmahal sa palaliton, ug ang planong proyekto nga Pax Silica.

Gidugang ni Cruz nga nasabtan na sa kabataan nga dili ang ordinaryong Pilipino ang makapahimulos sa maong proyekto kon dili ang mga langyaw samtang ang mga mag uuma ug lumad ang unang maapektuhan.

Gidayeg sa grupo ang kaisog sa mga tinun an sa pagbarog alang sa kaayohan sa katawhan ug pagpakita og pagpakabana sa kaugmaon sa nasud.