CAGAYAN DE ORO CITY-Nagsul-ob sa pula nga t-shirt ang 4-mil ka empleyado sa National Food Authority sa tibook nasud.
Matud ni NFA-10 spokesperson Hazel Belacho nga ila kining gihimo isip protesta sa laraw sa gobyerno nga bungkagon ang ahensiya.
Siya miingon sa mas mosamot ka makalolooy ang mga Pinoy kon mawala ang NFA tungod kay ma-abandonar ang responsibilidad sa gobyerno nga motanyag sa barato nga presyo sa bugas ngadto na sa mga kabus.
Gidepensaan usab ni Belacho ang pahayag ni DA Sec Manny Piñol nga himoong legal ang rice smuggling sa pipila ka bahin sa Mindanao.
Matud niini nga wala lamang masabti sa publiko ang plano ni Piñol.
Siya miingon nga maoy ipasabot sa kalihim sa DA nga lukata’g taripa ang mga rice smuggling aron mahimo na kini nga legal ug mapuslan sa mga Pinoy aron dili magkulang ang suplay sa bugas.
