CAGAYAN DE ORO CITY – Gihan-ay na sa kapolisan ang patung-patong nga kaso nga ipasaka batok sa 17 anyos nga driver kinsa maoy responsabli pagbangga-patay sa senior citizen nga si Engr Evelyn Pagaling sa Opol,Misamis Oriental sa miaging gabii.
Gibutyag ni Police Staff Sgt Daryl Carimilan,imbestigador sa Opol Police Station nga pursigido ang pamilya sa biktima nga kasuhan ang driver-suspect gumikan sa dili makiangayon nga hitabo.
Siya miingon nga wala nila isulod sa selda ang suspek sanglit menor de edad kini aron dili maigo sa Pangilinan Law.
Gikan sa Cagayan de Oro ang grupo sa suspek ug pagtabok na unta sila sa diversion road apan ilang nabangaan ang sakyanan sa mga biktima.
Hisayrang migamit sa Ford Everest ang suspek samtang maoy gibanggaan niini ang Ford Expedition nga paspas nagbiyahe kay Bukidnon pa ang ulian gikan sa Laguindingan Airport.
