CAGAYAN DE ORO CITY Magtukod task force ang City Hall’s Price Coordinating Council (CPPC) ug Regulatory and Complaint Board (RCB) aron maoy mag-inspeksyon sa mga tindahan nga gabaligya sa mga refill nga butane canisters.
Si RCB chairman Atty Egay Uy miingon nga moduso sila’g ordinansa nga magdili sa pagpamaligya niini ilabina nga gideklarar kini sa Bureau of Fire Protection kon BFP nga illegal.
Asoy pa ni Uy nga ila kining himoon human sila maalarma sa nahitabong sunog sa Barangay Canitoan nga gikamatay sa duha ka tawo tungod sa pagpamaligya’g butane.
Samtang, magbayad sa multa nga P20-mil ka pesos ug mabilanggo sulod sa duha katuig ang bisan kinsa nga masapon nga mamaligya sa refill nga butane canisters.
Sumala pa ni Uy nga kon ugaling matukod na ang task force, gilayon nilang sugdan ang pagkumpiskar sa mga Butane Canisters sa nagkadaiyang sari-sari stores.
Siya miingon nga maoy ilang tugotan nga moggamit sa butane kadtong mga original nga canisters ug wala gi-refillan sa LPG.
Kahinumduman nga niadtong miaging tuig, gipahimangnuan ni DOE Secretary Alfonso G. Cusi ang publiko nga likayan ang paggamit sa LPG-refilled butane canisters.
