CAGAYAN DE ORO CITY – Ipatawag sa National Bureau of Investigation o NBI-10 sunod semana ang tag-iya sa duha ka bodega diin nakompiskar ang mga peke nga sigarilyo dinhi sa syudad.
Gibutyag ni NBI-10 regional director Atty Patricio Bernales nga gusto niyang mahibal-an ang partisipasyon sa mga tag-iya sa bodega kon nganong gitugot nila kini nga buhaton sa ilang properiedad.
Kahinumduman nga dul-ag P900-million nga peke mga sigarilyo nga YS Filter, Jackpot kolor green ug asul, bravo cigarrettes kolor pula, Marvels ug TWO MOON brand ang nakompiskar.
Una nang gi-aksyonan sa mga personahe sa NBI -10 ug BIR ang reklamo sa kompanyang Philip Morris nga pagpeke sa ilang mga produkto hinungdan gilusob ang bodega sa Brgy. Cugman ug diversion road sa Brgy Bayabas sa syudad sa miaging semana.
