CAGAYAN DE ORO CITY – Nadakpan sa kapolisan ang duha ka suspek nga giingong kauban sa grupo sa napatay’ng si Archolito Palubon alyas Bingkol diha sa Upper Carmen ning syudad.
Kini human mihimo’g anti-drug buy bust operation diin batok sa mga suspek kagahapon sa hapon.
Giila ni Lumbia Police Station commander Police Capt Teodoro de Oro ang mga suspek nga sila si Tear John Lucero ug Leonil Yabut, pulos taga Brgy Lapasan ning syudad.
Miingon si De Oro nga giangkon mismo sa suspek nga si Lucero nga nakauban siya dihang nanulis ang grupo ni Bingkol sa Brgy Bulua ug gihatagan siya sa kantidad nga P5,000.00 isip suhol.
Giangkon usab sa suspek nga usa siya ka gunman diin anaa lamang sa P5,000 ang bayad sa kinabuhi sa tawo nga iyang patyon.
Giandam na sa kapolisan ang kasong RA 9165 batok sa mga suspek.
