CAGAYAN DE ORO CITY – Paningkamutan sa 4th Infantry Diamond Division, PA nga madugangan pa ang ihap sa mga rebel returnees ubos sa ilang area of responsibility.
Padayon ang panawagan ni 4th ID spokesperson Capt. Reggie Go sa mga rebeldeng NPA nga nagpabilin sa kabukiran nga pahimuslan ang oportunidad nga gitanyag kanila sa Duterte administration nga mamahimong sundalo.
Sa tulumanong Good Morning Philippines, gipasigarbo ni Go nga sulod sa 1,160 ka nga NPA members nga mibalik sa sabakan sa gobyerno, 152 kanila ang hingpit nga nahimong sundalo.
Gibutyag usab niini nga usa (1) na ka probinsiya, 9 ka munisipalidad ug 131 ka mga barangay ang nagdeklara sa mga NPA nga persona non grata.
