CAGAYAN DE ORO CITY – Nakadawat na sa pipila ka ‘unsolicited proposals’ ang komitiba nga gitukod ni Provincial Governor Peter ‘Sr. Pedro’ Unabia nga maoy motutok sa mga dokumento gikan sa mga korporasyon nga dunay interes nga himoong commercial area ang porsyon sa kapitolyo probinsyal ning syudad.
Kini human nakita ni Unabia nga dako’g ikatabang alang sa dugang kinitaan sa probinsya kon dunay commercial devt sulod sa halos pito ka ektaryang luna sa kapitolyo.
Miingon si committee on rules and laws chairman Board Member Gregorio Sabal III nga igo lang gipadayon ni Unabia ang tinguha niadto ni kanhi gobernador ug karon 2nd District Cong.Bambi Emano nga magamit sa komersyo ang tipik sa kapitolyo nga nagkahulugan sa ikalambo sa ekonomiya sa lalawigan.
Namahayag si Sabal nga may napasar na nga ordinansa alang niini aron magsilbing basehan kon dunay maporma nga joint venture agreement tali sa kapitolyo ug pribadong mga kompanya.
Hisayrang tipik sa nagpadayag interes alang sa capitol re-devt ang A Brown Company Incorporated sukad pa sa miaging tuig.
