CAGAYAN DE ORO CITY – Naalarma na bisan si Misamis Oriental Gov. Peter Unabia kabahin sa sunod-sunod nga kaso sa paghikog nga nahitabo sa pipila ka bahin sa lalawigan ug sa duha ka tulay dinhi sa syudad.
Kini ang rason nga gipatutukan sa gobernador ang mental health program sa probinsya aron masanta ang dugang mga kaso alayon niini.
Miingon si Misamis Oriental Provincial Information Office consultant Roy Waga nga gihimo kini nga aksyon ni Unabia kay dunay tinun-an sa USTP Claveria Community ang naghikog-patay ug laing tomboy usab nga taga-Initao ning lalawigan ang misulay pag-ambak sa Ysalina Bridge kagahapong adlawa.
Sulod ning bulana,may duha ka batan-on ang patay tungod sa paglukso sa Marcos Bridge ning syudad.
