CAGAYAN DE ORO CITY – Gimanduan ni Misamis Oriental Gov Peter Unabia ang mga ulo sa departamento nga ubsan sa 20 porsiento ang pangayu-on nga provincial budget alang sa tuig 2023.
Miingon si Provincial administrator John Venice Ladaga nga epekto kini sa pagkibhang usab sa nasudnong fund allotment alang sa probinsya nga apektado sa pandemya sa COVID-19.
Gibutyag sa administrador nga nag-unang tuyo usab niini nga makadaginot ang panudlanan sa probinsya samtang ipalig-on ang revenue collection sulod sa tulo ka tuig.
Gimando usab sa gobernador nga mangandam ang matag-departamento alang sa ilang budget proposal presentation atubangan sa local finance committee.
