Usa ka sports fest ang gipahigayon isip kalingawan sa mga person deprived of liberty o PDL sa Misamis Oriental Provincial Jail isip kabahin sa pagsaulog sa Valentine’s Day sa prisohan.Lakip usab sa ilang na-enjoy ang family day nga gihatag og kahigayunan sa buhatan aron makaselebrar ang mga PDL sa adlaw sa mga kasingkasing bisan pa sa ilang kahimtangan.
Sumala ni Rogelio Labor, provincial jail warden sa MOPJ, gitugotan ang pag-avail sa conjugal visit alang sa mga PDL ug sa ilang kapikas sa kinabuhi isip paagi sa pagpadayon sa ilang paghigugmaay sa maong espesyal nga adlaw.
Butyag ni Labor nga adunay mga rekisitos nga gikinahanglan aron maka-avail sa maong programa ug kini gilimitahan lamang sa mga kasado, dili sa mga uyab-uyab.
Matod pa niya, usa ra ka oras ang gihatag nga panahon ug privacy sa matag magtiayon nga mo-avail sa conjugal visit aron ma-accommodate ang tanang PDL tungod kay limitado ra ang conjugal rooms sa prisohan.
Dugang pa ni Labor, ang conjugal visit mahimo lamang ma-avail sa usa ka adlaw sulod sa usa ka bulan subay sa giya sa buhatan. (James Oliver)
