CAGAYAN DE ORO CITY – Dugay nang nagkasinabot ang COWD ug kompanyang Metro Pacific Water Consortium rason nga naporma ang COBI nga tigsuplayan sa panubig sa dakbayan.
Kini ang katin-awan ni kanhi City Mayor Oscar Moreno sukwahi sa gipasiatab sa kampo ni City Mayor Rolando ‘Klarex’ Uy nga siya ang gibasol sa kahimtang sa panubig sa dakbayan.
Miingon si Moreno nga daan nang nakuwestiyon sa Commission on Audit o COA ang COWD – Rio Verde contract,rason nga nakasulod ang MetroPac nga dili pa kini ang mayor sa dakbayan.
Namahayag usab kini nga dako niya nga pasalamat kay nagsilbing misulod sa syudad ang MetroPac diin nahimugso ang COBI nga kasamtangang direktang tig-suplay sa panubig sa dakong bahin sa dakbayan.
Una nang miinit ang isyu sa panubig sa syudad kay naglugwa sa ikaduhang sulat-paningil ang COBI sa COWD ug nagpasidaan nga putla’g suplay kon dili mabayarn ang halos bilyones pesos nga obligasyong-pinansyal.
Dumduman nga mihangyo sa usbaw-bayrunon sa tubig ang COWD sugod unta ning tuiga kay gamiton nila sa operation improvement apan gisupak sa administrasyon kay wala sa tayming kay wala pa kabangon ang katawhan sa pandemya dala sa COVID-19.
Hisayrang gibarugan ni Uy nga dili pa hinog ang panahon sa usbaw-presyo sa tubig apan alang sa corporate lawyer nga si Moreno gikinahanglan kini aron makalahutay sa operasyon ang COWD.
