CAGAYAN DE ORO CITY – Dili kumbinsido si kanhi City Mayor Oscar Moreno sa gipakita ngadto sa publiko nga panag-alyansa nila ni City Mayor Rolando ‘Klarex’ Uy ug District 2 Cong. Rufus Rodriguez alang sa 2025 nga piliay sa dakbayan.
Hagit ni Moreno nga gusto niya madunggan gikan mismo kang Rodriguez nga nalipay kini sa istilo ug pagdumala ni Uy sa dakbayan.Siya miingon nga dili bag-o ang eskena nga panag-alyansa sa politika apan dili kini bilib sa mugna nga eskena ni Klarex ug Rufus.
Una niini,gibutyag ni Cong.Rufus nga tungod sa mga pabor nga gihatag ni Mayor Klarex sa pagdumala ni City Vice Mayor Jocelyn Rodriguez sa konseho,nakahukom ang ilang pamilya nga hatagan sa suporta ang kasamtangang administrasyon.
Hisayrang pulos gibungat ni Rufus ug Klarex ang paghiusa na sa ilang pamilya pag-abot sa politika nga gidahom sa kadaghanan nga pagpalig-on sa puwersa sa sunod eleksyon ning tuiga.
