CAGAYAN DE ORO CITY – Puno sa kahinam ug init nga gisugat sa city govt official representatives si Ms Grand Philippines Nikki Advincula De Moura sa iyang paghidangat sa Laguindingan Airport sa Misamis Oriental kagahapong adlawa.
Kini alayon sa pagtubag sa Cagayan de Oro beauty queen sa imbitasyon ni City Mayor Rolando ‘Klarex’ Uy nga makaduaw siya sa syudad aron mahatagan sa taas nga pag-ila ug pagpasalamat sa nahatag nga dungog alang sa Cagay-anons.
Gilayong milahos ang 19 anyos nga Brizilian-Filipina beauty queen sa Sinulom Falls ug Bolao Cold Spring subay sa imbitasyon ni tourism committee chairman Kag. Jay Pascual.
Dugtong niini,gitadkang mapa-wow ang mga empleyado kay motambong si Nikki sa flag raising ceremony sa city hall karong buntag.
Mohimo usab sa courtesy call ang dalaga sa buhatan sa mayor ayha mag-motorkada palibot sa dakbayan ug makigkita kang City Vice Mayor Jocelyn ‘Bebot’ Rodriguez ingon motambong sa sesyon unya sa hapon.
Mohimo usab sa prescon ingon man makig-meet and greet sa fans si Nikki sa magkalahing malls ning syudad.
Si Nikki ang dunay amahan nga Briton ug Cagay-anon nga inahan diin dugay nagpuyo sa Grand Europa ayha nanimpalad sa kauluhan sa wala pa moigo ang pandemya sa COVID-19 sa nasud.
