CAGAYAN DE ORO CITY – Nasakmit sa kagamhanang-lokal sa Naawan ang ‘Balangay Seal of Excellence’ gikan sa Regional Oversight on Brgy Drug Clearing o ROCBDC sa Misamis Oriental.
Matud ni Police Regional Office 10 spokesperson Major Joann Navarro nga ang sikat nga pasidungog ang sagad ihatag sa ROCBDC sa brgy o lungsod nga 100 porsiento nang walay presensisya sa illegal nga droga.
Siya miingon nga nagkahulugan nga ayha gihatag ang pasidungog sa Naawan-LGU,kini negatibo na sa drugista,tiggamitan sa droga,drug dens,laboratoryo,plantasyon sa marijuana ug ubang kalihukang criminal.
Dugang ni Navarro nga anaa sa paghatag sa maong pasidungog mismo si ROCBDC chairman PDEA 10 regional director Benjamin Gaspi,PRO 10 RCADD chief Col. Ramil Waper,DILG 10 asst regional director Yvette Sunga ug DoH 10 representative Maria Dolores Mercado.
Tungod niini,anaa na sa mil-575 ka brgy o 84.40 porsiento ang nahaw-as na sa illegal nga droga gikan sa mil-886 ka brgy sa Northern Mindanao.
