CAGAYAN DE ORO CITY – Gibakwi sa City Health Office o CHO ang naluwatang pahayag nga giingong nagka-outbreak sa pertussis ang dakbayan.
Kini human unang nasampit ni CHO head Dra. Rachel Dilla nga bisan tulo lang ka kaso sa pertussis ang gikuptan sa dakbayan ang ma-konsidera na nga outbreak epekto sa ubos nga herd immunity sa kabataan.
Apan sa gihimong pag-esplikar ni Dilla pinaagi sa facebook page sa Cagayan de Oro City Information Office nga wala pa sukad nahitabo ang outbreak sa syudad.
Siya miingon nga hinoon matandi nga taas nga ihap ang natala ning tuiga itandi sa miaging tuig nga walay nahuptang record ang ilang buhatan.
Matakbuyan ang tawo sa whoofing cough pinaagi sa droplet nga grabeng moigo sa baga kon dili madali ang pagbakuna niini.
Apan bisan niini,kaya pugngan ang pagkaylap sa maong sakit pinaagi pagpabakuna sa mga bata ug pagpatuman personal health protocol sa publiko.
