Gipahibalo sa National Bureau of Investigation (NBI) nga gipasakahan na sa reklamo ang mga nangulo sa pag-pakaylap pag-usab sa audio call recording tali ni NBI Director Atty. Melvin Matibag ug Mel Sabio.
Matod ni Matibag, nag-sumiter sa reklamo si Sabio batok sa mga responsable ug iyang suportahan kini.
Sa maong mikalat nga video, madungog ang tingog sa duha diin nanghulga si Matibag kang Sabio tungod sa usa ka post sa social media. Gitawag ni Matibag ang maong panggitabo nga usa ka “inappropriate coordinated behavior.
Subay niini, gihatagan usab ni NBI Director Atty. Melvin Matibag sa higayon si Mel Sabio nga makahatag sa iyang komento.
Gipadayag ni Sabio nga ang video nga nagpakita sa ilang panag-bangi nahitabo pa sa tuig-2020, diin siya sakop pa sa laing partido sa politika sa San Fernando, Laguna.
Gibug-aton ni Sabio nga nagkaayo na sila ni Matibag human magkaistorya ug nangayog pasaylo bahin sa insidente. Dugang pa ni Sabio, kauban na sila karon sa pipila ka mga butang. (phillip ariata)
