CAGAYAN DE ORO CITY – Atubangon sa naka-court plea bargaining agreement nga akusado ang laing kasong pagsupak sa Dangerous Drugs Act of 2002 sa piskalya sa Iligan City.
Kini human isulti ni Police Regional Office 10 Director Brig Gen Ricardo Layug Jr nga subli nadakpan sa Iligan City Police Office-City Drug Enforcument Unit ang 42 anyos nga akusado nga wala nila panganli sa buy-bust operation sa Purok 6,Barangay Saray,Iligan City.
Miingon ang heneral nga ang suspek-akusado nga taga- Marawi City ang nabawian sa 11 ka plastic sachets nga gitoohang dunay sulod nga shabu diin mitimbang sa 30 gramos ug mitala’g estimated street market value nga kapin 200-mil.
Sa gikuptan nga impormasyon sa kapolisan,giingong gikan sa Marawi City ang kontrabando nga gikuha sa suspek aron ipamaligya sa mga parokyano sa Iligan City.
Hisayrang subay sa sulti sa PDEA- 10 ug PNP- 10,ang Saray ang dunay taas nga presensiya sa ilegal nga droga sa mga barangay nga sakop sa Iligan City.
