CAGAYAN DE ORO CITY – Gisugdan na pagpatubag sa City Local Environment and Natural Resources Office o CLENRO ang mga kandidato nga nagpataka’g pamutang sa ilang mga materyales sa eleksyon alayon sa campaign trail ning syudad.
Miingon si CLENRO manager Engr Armen Cuenca nga magsilbing pinal nga pasidaan sa mga hingtungdan ang ilang gipadala nga komunikasyon aron dili mapamahamtangan sa monetary penalty.
Siya miingon nga istritko ang ordinansa sa dakbayan pag-abot sa iligal nga pagpamutang sa election campaign materials palibot sa syudad.
Ipadayon sa CLENRO ning adlawa ang ilang pagpangbaklas sa mga election materials nga wala mosubay sa ensaktong butangangan niini.
Hisayrang ubos sa city ordinance no.12984-2015,nalatid ang silot-pinansyal sa mga tinuyong mga masinupakon sa balor 500 pesos alang sa unang kalapasan ug pinakadako nga 5-mil pesos.
