Gilaraw sa National Archive Management Division sa NCCA ang paglambigit pinaagi sa paghatag giya kung unsa ang tukmang pamaagi ang pagdispose sa mga karaang dokumento sa gobyerno.
Sa interview sa Bombo Radyo kang Celso Abucejo, special assistant ni Misamis Oriental Governor Juliette Uy, nga gitun-an na ni Board Member Dexter Yasay ang klaro nga proseso ug guidelines alang sa government-document-disposal.
Dugang pa ni Abucejo nga kung mapamatud-an nga adunay iregularidad sa pagkahiluna sa mga dokumento kalabot sa operasyon, kinahanglan mahatagan dayon kini sa katin-awan aron walay mga pagduda nga muguwa gikan sa publiko.
Nanghinaut ang administrasyon sa Misamis Oriental nga pinaagi sa miligid nga committee hearing, makamugna ang mga magbabalaod sa husto ug responsabli nga pagdumala sa mga karaang dokumento sa gobyerno.
