Gipasabot ni Bro. Cleb Calimutan, Presidente sa Confraternity of the New Apologetics, nga ang pagbadlis sa krus sa “Ash Wednesday” usa ka dakong tradisyon sa simbahan.
Matod niya, simbolo kini sa paghinulsol ug pahinumdom nga “gikan kita sa abog ug sa abog kita mobalik,” ug usa usab ka pagtawag sa paghinlo sa espiritu.
Gipatin-aw nga ang porma sa krus gisubay sa Ezekiel chapter 46, diin gibutang kini sa agtang aron makita sa tanan ang timaan sa pagtuo.
Dugang pa, giingon ni Calimutan nga kini usa ka pahinumdom sa pagpas-an sa kaugalingong krus ug sa pagsunod sa Diyos isip buhi nga pag-ila sa sakripisyo sa atong Ginoo ug sa pag-andam sa panahon sa Kuwaresma. (Phillip Ariata)
