Wala damha sa mga anak ni Nora Aunor nga mudagsa ang libuang ihap sa mga Noranians, taliwala nga obserbar pa ang nasud sa Semana Santa.
Ang public viewing gipahigayon sa The Heritage Park sa Taguig City.
Gitinaw ni Lotlot ug Matet de Leon nga sugdan ang public viewing sa Abril 19 ug tak-upan ning adlawa, Abril 20, aron mahatagan sa panahon ang kaugalingong pamilya sa namatay nga aktress sa ilang pribadong paghaya ug katapusang pakig-uban sa ilang inahan.
Hisayran nga napuno sa mga bulak ug mga pagdayeg ang haya sa ilang inahan gikan sa mga tawong dugay nang nag-idolo kaniya.
Si Nora Cabaltera Villamayor o mas naila sa screen name nga Nora Aunor namatay niadtong Abril 16 sa edad 71 tungod sa acute respiratory failure.
Ang iyang lubong ipahigayon sa April 22 sa Libingan ng mga Bayani, isip pagpasidungog sa iyang kontribusyon sa sining ug kultura.
