Gipasiugda ni House Prosecution Legal Spokesperson Atty. Benjamin Tolosa nga dili igo ang yano nga pagdeklarar lang sa propedad ug bahandi ngadto sa Statement of Assets, Liabilities, and Net Worth (SALN), kundili gikinahanglan usab nga mapamatud-an kon diin kini gikan.
Matud ni Tolosa, base sa testimonya ni kanhi Ombudsman Conchita Carpio-Morales, ang balik-balik nga dili pagdeklarar sa sakto nga kinatibuk-ang propedad nagpakita og tuyo nga pagtago o intentional concealment ug dili lang yano nga sayop.
Gitinaw usab sa kampo sa prosekusyon nga gitawag si Carpio-Morales isip usa ka expert witness aron ipasabut ang mga balaod nga may kalabutan sa unexplained wealth.
Tungod niini, dili niya katuyoan ang pagbutyag sa mga aktuwal nga detalye bahin sa mga propedad o negosyo sa Bise Presidente. (raniel mahunyag)
