Gipanghimakak ni House prosecutor ug Bicol Saro Partylist Representative Terry Ridon nga dili sabotahe ang pagpresentar nila sa ilang testigo nga si retired Sandiganbayan Presiding Justice Amparo Cabotaje-Tang tungod kay nagpabiling lig-on ug walay kausaban ang kredibilidad niini human sa iyang testimonya sa senate impeachment court.
Matud ni Ridon, walay kausaban ug nagpabilin ang kredibilidad niini tungod kay wala na kini kuwestiyona pa sa kampo sa depensa ug sa senator-judges.
Dugang ni Ridon, kapin sa 40 na ka tuig nga nagserbisyo sa publiko ni Cabotaje-Tang isip abogado, mahistrado, ug kanhi punong maghuhukom sa Sandiganbayan.
Gipasiugda usab ni Ridon nga maayong naipahayag sa iyang testimonya ang mga importanteng prinsipyo sa pampublikong pagpondo ug public accountability, nga maoy sentro sa kaso sa prosekusyon.
Tungod niini, nagtuo ang prosekusyon nga kining lig-on nga pundasyon sa balaod angay nga hatagan og bili sa impeachment court ug sa tibuok katawhan. (raniel mahunyag)
