CAGAYAN DE ORO CITY – Nagbaton sa 30 ka lugar sa Northern Mindanao ang gikonsidera sa Comelec nga election areas of concern sa taliabot piliay sa Mayo 12 ning tuiga.
Kini subay sa gilugwa nga pasiunang listahan sa ahensya dihang sila nagkatagbo sa kadagkuan gikan sa kapolisan,militar ug Philippine Coast Guard 10.
Miingon si Comelec Commissioner Aimee Ferolino,chairperson sa gun ban and security committee nga sa maong ihap,walo niini ang ubos sa orange ug laing 22 ang yellow category.
Kini gilangkuban sa Malaybalay City, Cabanglasan, Impasug-ong, Kibawe, Kitaotao, Malitbog, Quezon ug Talakag alang sa orange category nga nagpasabot nga adunay bahad sa armadong grupo.
Samtang ang yellow category ang giapilan sa mga lugar sa Bacolod, Balo-i, Bonifacio, Calamba, Concepcion, Kapatagan, Kolambugan, Magsaysay, Maigo, Matungao, Munai, Nunungan, Ozamiz City, Pantar, Poona Piagapo, Salvador, Sapad, Sapang Dalaga, Tagoloan, Tangcal, Tangub City ug Tubod.
Kini nga mga lugar ang adunay kanhi election related incidents o grabe nga ribal sa politika.
Hinoon,sa pagkakaron wala pa”y lugar sa rehiyon nga posibleng mabutang sa control sa Comelec.
