CAGAYAN DE ORO CITY -Nanganti si Senate President Migz Zubiri nga gisahon nila atol sa budget hearing sa Dept of Agriculture 10 ug Dept of Trade and Industry o DTI 10 ang mga kadagkuan sa maong buhatan didto sa kauluhan.
Kini tungod sa daw walay nahimo nga aksyon sa pagsaka sa kilo sa bugas nga nag-unang konsumo sa katwahan dinhi sa Northern Mindanao.
Miingon si Zubiri nga klaro nga dunay ‘price manipulation’ sa mga bugas hinungdang giantos sa katawhan ang sobra kamahal niini.
Samtang angayang ibasura ni Pres Bongbong Marcos ang Rice Liberalization Law nga maoy naghatag sa dakong disbintaha alang sa mga mag-uuma ug katawhan dinhi sa nasud.
Kini ang nakita nga sulbad ni Bantay Bigas Secretary General Cathy Estavillo sa grabeng rice crisis nga nasinatian sa katawhan ning tungura.
Miingon si Estavillo nga wala mahaom sa tumong ang balaod alang sa interes sa katawhan apan mipasamot pa hinoon sa kalisod ug kapit-os.
Kini ang rason nga dugay na sila nga nanawagan nga ibasura ang maong balaod kay walay kapuslanan alang sa katawhan sa nasud.
