CAGAYAN DE ORO CITY – Mitahan ang team leader sa rebeldeng New People’s Army kuyog ang laing pito ka sakop niini sa 58th IB,Philippine Army nga nakabase sa lungsod sa Claveria,Misamis Oriental.
Miingon si 58th IB commander Lt Col Christian Uy nga giila ang mga mitahan nga si Niño Sereno alyas Hatam kinsa team leader ingon man ang iyang mga sumusunod nga sila Jorinelle Remadvia alyas Ramboo;Jolito Taquin; Alyas Danny; Renil Lindahay Alyas Ian; Rolando Ayuma Lindahay Alyas Froilan;Edmond Rondan Alyas Robinson;Melvin Marianas Alyas Eugene ug Joyce Alake Alias Ivy nga pulos ubos sa Sub-Regional Command 1 sa CPP-NPA nga naglihok sa lalawigan.
Miingon si Uy nga ang padayong presyur nga gilusad sa militar ug ang sunod-sunod nga pagka-neutralized sa tag-as nga lideres sa CPP-NPA sa Misamis Oriental ang rason nga nagdungan pagkanaug ang usa ka platoon aron hingpit nang mobalik sa gobierno.
Gihimo sa opisyal ang pahayag dungan sa pag-presentar sa grupo ni alyas Hatam atubangan sa media sa Malberry Suites Business Hotel,Brgy Lapasan ning syudad.Bitbit nga armas sa grupo ni Hatam pagtahan ang duha ka M-16 rifles;AK-47 rifle ug M653 rifles.
