CAGAYAN DE ORO CITY – Giguba lang ni City Mayor Rolando ‘Klarex’ Uy ang dignidad ug maayong kadungganan nga dugay’ng giampiangan sa mga unang lideres ingon man mismong Kagay-anons ang syudad.
Kini human isulti ni kanhi City Mayor Oscar Moreno nga pagpang-harass ug pagpang-bully ang gihimo sa administrasyon ngadto sa mga dagkong negosyante nga namuhunan ning syudad.
Nagtoo si Moreno nga political demolition ang tuyo sa imbestigasyon sa isyu sa panubig sa dakbayan.
Namahayag si Moreno nga sa ‘fault finding’ sa grupo ni Kag. James Judith,mohatag lang kini sa negatibong epekto sa mga dagkong negosyante ang ilang gihimong paglisud-lisod sa Metropac Waters nga ka joint venture sa Cagayan de Oro Water District o COWD aron masalbar ang suplay sa tubig sa katawhan.
Judith kang Oca:” Mas delikado kon di manganhi ang mga negosyante kay walay tubig’
Mas dilikado nga mawad-an sa suplay sa panubig kaysa mobati’g ka diskorahe ang pipila ka negosyante nga mamuhunan dinhi sa syudad.
Kini ang tubag ni Judith sa pasiatab ni Moreno sa pag-imbestigar sa kontratang panubig sa COWD.
Namahayag si Judith nga interes sa katawhan ang nag-unang katuyuan kon nganong gitukod ni Uy ang task force nunot sa ultimatum nga gilugwa sa Cagayan de Oro Bulk Water o COBI nga putla’g tubig kon dili makabayad si COWD.
Una niini,namahayag ang Uy nga sukwahi sa gipasangil sa iyang mga kritiko nga namulitika kini apan katawhang-interes lang daw ang katuyuan sa ilang gihimong lakang sa maong isyu.
Kini ang depensa ni ‘Klarex’ kon nganong giimbestigaran niya sa konseho kontrata sa panubig nga daw dakong disbintaha sa mga konsumante.
Tubag kini sa mayor nunot sa panaghap ni Moreno nga giulug-ulugan lamang siya sa mga tawong nagpalibot kaniya sama nila ni kanhi Kag. Eric Salcedo,Kag. James Judith ug Ronnie Waniwan.
